പൊതുവിദ്യാഭ്യാസ വകുപ്പിന്റെ കീഴിൽ വരുന്ന സംസ്ഥാനത്തെ സർക്കാർ, എയ്ഡഡ് വൊക്കേഷണൽ ഹയർ സെക്കൻഡറി സ്കൂളുകളിലെ വിദ്യാർത്ഥികൾക്കായി കേരള സ്കൂൾ ശാസ്ത്രോത്സവത്തിനൊപ്പം നടത്തുന്ന പ്രദർശനവും തത്സമയ മത്സരങ്ങളും ഉൾപ്പെടുന്ന ഫെസ്റ്റിവലാണിത്.

വൊക്കേഷണൽ ഹയർ സെക്കൻഡറി സ്കൂളുകളിലെ വിദ്യാർഥിവിദ്യാർഥിനികൾക്ക് കോഴ്സ് ഭേദമില്ലാതെ എല്ലാ തത്സമയ മത്സര ഇനങ്ങളിലും പങ്കെടുക്കാവുന്നതാണ്.

രണ്ട് വിഭാഗങ്ങൾ: (A) പ്രദർശന മത്സരങ്ങൾ — ഇന്നോവിഷൻ, സ്കിൽ ക്രാഫ്റ്റ്, സ്കിൽ സെർവ്; (B) തത്സമയ മത്സരങ്ങൾ — 19 ഇനങ്ങൾ.

മൂന്ന് തലങ്ങൾ: സ്കൂൾ തലം, മേഖലാതലം, സംസ്ഥാനതലം. ഗ്രേഡുകൾ നേടുന്ന മത്സരാർത്ഥികൾക്ക് സ്കൂൾ തലം മുതൽ സർട്ടിഫിക്കറ്റുകൾ നൽകുന്നതാണ്.

അനുബന്ധം 1-ലെ എൻട്രി ഫോം പൂരിപ്പിച്ച് സ്കൂൾ അധികൃതരിലൂടെ ബന്ധപ്പെട്ട അസിസ്റ്റന്റ് ഡയറക്ടർക്ക് സമർപ്പിക്കേണ്ടതാണ്.